Главная » 2008 » Июнь » 5 » Azərbaycan paytaxtında daha bir Qız Qalası tikiləcək
Azərbaycan paytaxtında daha bir Qız Qalası tikiləcək
22:21:55
Azərbaycanın paytaxtı Bakı şəhərində daha bir Qız Qalası inşa olunacaq. Tikiləcək Qız Qalasının artıq layihəsi də hazırdır. Layihəni Almaniya şirkəti olan “German Architects & Engineers” (GAE) təqdim edib. «GAE» şirkətinin nümayəndəsi Hans U. Bökler APA-ya bildirib ki, Azərbaycanda layihəyə böyük maraq göstərilib, hazırda məsələ ilə bağlı danışıqlar aparılır. O, layihənin reallaşması üçün tərəfdaşlardan birinin “Akkord” şirkəti ola biləcəyini söyləyib. Qeyd edək ki, XI-XII əsrə aid edilən və Bakının simvolu sayılan Qız Qalasının oxşarı olacaq bina 50 milyon ABŞ dollarına başa gələcək. Şüşədən tikiləcək binada ofislər fəaliyyət göstərəcək. Yeni Qız Qalasının harada inşa olunacağı isə hələlik bəlli deyil. “Akkord” şirkətinin mətbuat xidmətindən APA-ya layihə ilə bağlı danışıqlar getdiyini təsdiqləsələr də, hələlik konkret nəticə olmadığı bildirilib.
